16.8 C
Prizren
E premte, 29 Mars, 2024

Milan-i vazhdon negociatat me Real Madridin për zbritjen e çmimit të Diaz

Drejtorët e Milanit, Frederic Massara dhe Paolo Maldini janë në diskutime të vazhdueshme me Real Madridin për një marrëveshje për ta blerë me një çmim më të ulët Brahim Diaz-in.

Diaz-it i skadon kontrata në fund të sezonit, pasi që ishte në huazim dyvjeçar nga skuadra e Madridit.

Përveç sagës së vazhdueshme për zgjatjen e kontratës së Rafal Leao-s, “Gazzetta dello Sport” raporton se situata e Diaz është një nga prioritetet më të mëdha për klubin.

 

Megjithatë, ka ende shumë për të luajtur para asaj kohe, dhe gazeta italiane thotë se Milan-i do të synojë ta ketë spanjollin në skuadër edhe për shumë vite të tjera.

Massara dhe Maldini do të vazhdojnë të negociojnë me Real Madridin për një zbritje për çmimin e Diaz, i cili aktualisht do t’i kushtojë 22 milionë euro në përputhje me një klauzolë në kontratën e spanjollit.

Megjithatë, rreziku është që Real Madrid të ruajë të drejtën për të blerë lojtarin e tyre për 26-27 milionë euro dhe raportet thonë se gjigantët spanjollë mund ta kthejnë Diaz-in në Madrid vetëm për ta shitur atë për një tarifë më të lartë.

23-vjeçari bëri një paraqitje spektakolare në mbrëmjen e kaluar, ku Milan-i e mposhti Napolin me rezultat 0:4, aty ku Diaz shënoi një gol dhe dhuroi një asistim.

Kjo nuk ka qenë hera e parë që Diaz është protagonist për kuqezinjtë në këtë sezon, pasi në shumë ndeshje të rëndësishme ka qenë vendimtar.

Goli ndaj Tottenham-it që i kualifikoi kuqezinjtë në çerekfinale të Ligës së Kampionëve dhe ai në derbi ndaj Juventus-it kanë qenë paraqitjet tjera pozitive për 23-vjeçarin.Albanian Pos

Më Shumë

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Ndërmarrja “Guraziu” është specializuar në vendosjen e dyerve, laminatit, parketit, kuzhinave dhe dhomave të fjetjes. Pronari, Arton Guraziu, ka një përvojë prej 20 vjetësh. Adresa e...

Masakra në Krushë të Madhe nga forcat serbe, i mbijetuari Elshani rrëfen se çfarë ndodhi para 25 vitesh

I mbijetuari i masakrës në Krushë të Madhe, Selami Elshani ka rrëfyer në detaje atë se çfarë ndodhi para 25 vitesh në masakrën që...

Lajmet e Fundit