5.8 C
Prizren
E premte, 7 Tetor, 2022

Ministri Murati krahason Pakon e Ringjalljes Ekonomike me atë të Gjermanisë

Ministri i Financave, Hekuran Murati, ka shkruar se pakoja për përballje me inflacionin, të cilën e prezantuan të shtunën së bashku me kryeministrin Albin Kurti, ndryshe përkthehet në 2% të GPS-së.

“Bashkë me Kryeministrin Kurti dje prezantuam pakon e re të masave për përballje me inflacionin, në kuadër të vazhdimësisë së Pakos së Ringjalljes Ekonomike. Pakoja kap vlerën prej 150 milionë euro, që përkthehet në rreth 2% të GDP, pa llogaritur pakon e muajit prill, apo masat paraprake”, shkroi Murati.

Murati, gjithashtu e ka krahasuar pakon e Kosovës me atë të Gjermanisë, edhe pse dallimi mes pakos së Kosovës dhe asaj të Gjermanisë është përafërsisht 64 miliardë euro.

“Qeveria Gjermane sot ka prezantuar një pako masash të ngjashme në vlerë prej 65 miliardë euro, që përkthehet në rreth 1.8% të GDP.

Për pensionerët:

Gjermani: 300 euro pagesë e njëhershme

Kosovë 3×100 euro (nentor ‘21, prill ‘22, tetor ‘22)

Për studentët:

Gjermani: 200 euro pagesë e njëhershme

Kosovë: 2×100 euro (prill ‘22, nëntor ‘22)

Për punëtorët e sektorit publik:

Gjermani: 300 euro bruto pagesë e njëhershme

Kosovë: 300 euro për 2022 (100 euro në prill ‘22, plus 50 euro/muaj nga shtatori ‘22)

Për punëtorët e sektorit privat:

Gjermani: 300 euro bruto pagesë e njëhershme

Kosovë: 100 euro në prill ‘22, plus 3 muaj subvencionim 50% i rritjes së pagës.

Për fëmijët:

Gjermani: Rritje e shtesave ekzistuese

Kosovë: Nisje e pagesës së shtesave për herë të parë” – ka shkruar Murati.

Më Shumë

Mike Tyson “hedh” karrigen me rrota dhe ngjitet në ring

Disa javë pasi u pa në një fotografi ku shfaqej në një karrige me rrota, duke i trembur jo pak fansat, legjenda e boksit,...

Daja: Synimi i Ballkanit është të bëjmë një eksperiencë të mirë

Ballkani do ta zhvillojë nesër ndeshjen e rëndësishme në Ligën e Konferencës ndaj Sivassporit. Pas një fitoreje dhe një barazimi, ekipi suharekas do ta kërkojë...

Lajmet e Fundit