Lidhja Demokratike e Kosovës(LDK) në Prizren beson se në zgjedhjet e 14 shkurtit do të dalë me rezultat të mirë.
Zëdhënësja e LDK-së në Prizren, Afërdita Morina-Biffar tha se lista e kandidatëve për deputetë e LDK-së në Prizren është më e mira krahasuar me partitë e tjera.
“ LDK-ja në Prizren e ka listën më të mirë se sa partitë tjera. Qytetarët kanë mundësi të përzgjedhin nga lista jonë dhe të mbështesin atë që e besojnë”, shprehet ajo.
“Votuesi i LDK-së në Prizren nuk është i luhatshëm. Ai i qëndron besnik njerëzve të vetë dhe kjo do të dëshmohet me 14 shkurt“./PrizrenPress.com/