Kryeministri i Kosovës, Isa Mustafa, së bashku me Kryeministrin e Shqipërisë Edi Rama, nesër do ta përurojnë tranzitin e përbashkët doganor në mes të Kosovës dhe Shqipërisë në Vërmicë.
Kjo është bërë e ditur përmes një njoftimi për media nga Zyra e Kryeministrit Mustafa.
“Kryeministri Isa Mustafa së bashku me kryeministrin e Republikës së Shqipërisë, Edi Rama, përurojnë tranzitin e përbashkët doganor në mes të Kosovës dhe Shqipërisë”, thuhet në njoftim.
Ceremonia do të zhvillohet nesër në ora 11:00, në Vërmicë.