35 C
Prizren
E shtunë, 5 Korrik, 2025

Ndahet nga jeta intelektuali prizrenas, inxhinieri i hidroteknikës, Galip Hoda

Është ndarë nga jeta intelektuali prizrenas, inxhinieri i hidroteknikës, Galip Hoda.

Inxhinieri Galip Hoda u lind në vitin 1943 në Prizren. Studimet universitare i përfundoi në vitin 1966 në Fakultetin e Ndërtimtarisë të Universitetit të Beogradit.

Gjatë viteve 1969-1974  Galip Hoda ishte deputet i Kuvendit të Kosovës dhe anëtar i komisionit kushtetues.

Inxhinieri i shquar prizrenas, Galip Hoda gjatë veprimtarisë së tij profesionale në shërbim të Kosovës ishte pjesëmarrës i shumë projekteve të rëndësishme të vendit, siç ishin projekti i Liqenit të  Radoniqit, projekti i Hidrocentralit të Fierzës dhe projektet tjera.

Gjatë viteve shtatëdhjetë dhe tetëdhjetë, Galip Hoda ishte Drejtor i Kompanisë Rajonale të Ujësjellësit “Hidroregjioni Jugor” në Prizrenit, ndërsa në periudhën e pas çlirimit të Kosovës shërbeu edhe si  anëtar i Bordit të Drejtorëve të kësaj ndërmarrjeje publike.

Inxhinieri i Hidroteknikës, Galip Hoda me dijen dhe përvojën e tij shumëvjeçare n? sektorin e ujërave, në cilësin? e bashkëpunëtorit profesional kontriboi përmes shumë projekteve edhe në kuadër të UNDP-së, CDF, GTZ, IRC dhe shumë organizatave tjera ndërkombëtare.

Galip Hoda ishte përkrahës i madh i sportit prizrenas. Gjatë viteve shtatëdhjetë ishte anëtar i Klubit Futbollistik “Liria”, ndërsa nga viti 1990 deri në vitin 1999 ka shërbyer si sekretar gjeneral i klubit.

I ndjeri ishte nje humanist dhe aktivist i madh. Gjatë viteve nëntëdhjetë shquhej për kontributin e tij të dalluar në kuadër të Lëvizjes gjithëpopullore për çlirimin e Kosvës.

Varrimi i te ndjerit do të bëhet nesër, më 7 dhjetor 2022 në orën 12:00 në varrezat e qytetit të Prizrenit.

Pritjet për ngushëllime do të organizohen në Hotelin “Theranda’ në Prizren nga dita e enjtë deri të shtunën, më 10 dhjetor. 

Më Shumë

Kryetari i Bordit të Kompanisë ‘ABI’, Irfan Fusha, vizitoi Shoqatën ‘ESNAF’

Kryetari i Bordit të Kompanisë së njohur ABI, z. Irfan Fusha, ka zhvilluar një vizitë zyrtare në ambientet e Shoqatës 'ESNAF", ku është pritur...

Njëri e theri me thikë e tjetri i ndihmoi ta fsheh veprën, aktakuzë ndaj dy personave në Prizren

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurit E.K., për shkak të dyshimit të bazuar mirë se...

Lajmet e Fundit