Muharrem Dina i njohur si Komandant ‘Mixha’ është varrosur sot në varrezat e dëshmorëve në Landovicë.
Bashkëluftetarë dhe veprimtarë të shumtë kanë nderuar figurën e “Mixhës”.
Ai ka ndërruar jetë dje në moshën 71 vjeçare, pas një sëmundje të rëndë.
Kryetari i Prizrenit, Ramadna Muja, tha se vet prania e shumë bashkëluftëtarëve të “Mixhës”, flasin vet për veprën dhe jetën e tij.
“Prania juaj kaq madhështore në këtë mbledhje është vlerësimi më i mirë i veprimtarisë atdhetare të Muharremit tonë”, tha Muja.
“Profili atdhetar i Mixhës është rast i rrallë në historinë tonë i cili veprimtarin atdhetare e nisi që nga fëmijëria dhe e zhvilloi deri në ditët e fundit të jetës së tij”.
Bashkëveprimtari i Mixhës, Fazli Veliu ndërkaq ka folu për jetën dhe veprën e tij.
Ai tha se “Miaxha”që nga mosha e fëmijërisë nuk pushoi së punuari për çlirimin e Kosovës.
“Mixha’ ishte qysh në vitet e 70 anëtar dhe njëri ndër motorët e Lëvizjes Popullore të Kosovës, pjesëtar i UÇK dhe UÇPMB”.
Familjari Ismet Dina tha se njerëz si “Mixha” ka shumë në trojet shqiptare.
“Ne familjarët e ‘Mixhës’ sot kur iu shohim pranë nesh që keni ardhur për të nderuar dhimbjen dhe pikëllimi ndihemi shumë krenar për faktin se ‘Mixha’ nuk paska qenë i vetëm i familjes sonë, por i të gjithëve në trojet shqiptare”./PrizrenPress.com/