Në Kompleksin muzeal “Ndre Mjeda”, në fshatin Kukel të Komunës së Bushatit, studiues dhe autoritete vendore, dje, përkujtuan 147 vjetorin e lindjes së poetit dhe klerikut të njohur Ndre Mjeda si dhe 100 vjetorin e ndërtimit prej tij të këtij kompleksi muzeal.
Me këtë rast, u paraqit edhe tavolina e restauruar e Mjedes, i vetmi objekt i trashëguar prej tij, si dhe vëllimi i nëntë me studime kushtuar Ndre Mjedes, me autor studiuesin Mentor Quku.