15.8 C
Prizren
E premte, 31 Maj, 2024

Neymar nuk i ndahet skandaleve: Përleshet në një klub nate

Skandalet nuk pushojnë kurrë në jetën e Neymar, ndërsa e ardhmja e tij në PSG mbetet në ajër.

Thashethemet për një tradhti të pretenduar nga numri “10” ndaj partneres së tij Bruna Biancardi mezi kishin filluar të zhdukeshin kur një polemikë e re kishte lindur.

“Mundo Deportivo” raporton se ylli brazilian është përfshirë në një sherr në një klub nate në Brazil.

Fundjavën e kaluar, sulmuesi është parë të ketë një mosmarrëveshje me një burrë tjetër në një klub nate në Rio de Zhaneiro, ku po zhvillohej një koncert i Thiaguinhos.

Mediat detajonin se lojtari i PSG-së shoqërohej nga e dashura e tij, Biancardi.

Megjithatë, nata përfundoi me trazira pas sherrit të Neymar me një tjetër burrë, në të cilin ata përfunduan duke u shtyrë dhe duke bërtitur. Madje është kërkuar ndërhyrja e sigurimit të klubit të natës për të qetësuar gjërat mes të dyve.

Nuk dihet arsyeja e sherrit të ashpër mes burrit dhe Neymar, i cili i ka shtuar një tjetër skandal emrit të tij.

Ylli brazilian po kalon ditët e fundit të pushimeve në vendlindjen e tij, ku ka qenë duke u rikuperuar nga një dëmtim, por e ardhmja e tij te PSG është ende e paqartë.

Thashethemet për një largim të mundshëm të Neymar nga klubi parisien kanë qarkulluar për rreth një vit mes interesimit të raportuar nga Premier League.

Gjithashtu u raportua se sulmuesi 31-vjeçar do të kishte nënshkruar një marrëveshje me Barcelona-n, sipas një raporti nga “Bein Sports”. Megjithatë, Xavi Hernandez tha se Neymar nuk është në planet e tij. Albanian Post

Më Shumë

Masakra e ‘Tusuzit’, Selmanaj thotë se nuk do të ndalet thirrja për drejtësi

Deputeti i Lidhjes Demokratike të Kosovës, Driton Selmanaj ka thënë se “Lagjja e Trimave”, e meriton këtë emër, për faktin se dha shumë për...

Sami Frashëri dhe persishtja

Nga: Lumo Kolleshi Të shkruash për emërndriturin Sami Frashëri, nuk është aspak e lehtë, pasi përmasat e tij e kapërcejnë ngrehinën një biblioteke të tërë...

Lajmet e Fundit