Gjykata Themelore në Prizren, ka caktuar një muaj paraburgim për të dyshuarin A. Kastrati nga Prizreni.
“Departamenti për Krime të Rënda, me datën 02.05.2014 i cakton paraburgim A. Kastrati nga Prizreni, me kërkesën e Prokurorit të Shtetit, për shkak të dyshimit të bazuar se ka kryer veprën penale, blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge nga neni 273 par.2 lidhur me parag.1 të KP-së”, njoftoi zëdhënësja e Gjykatës në Prizren, Afërdita Kicaj.
“I pandehuri A.Kastrati në ditën kritike është ndaluar nga Policia dhe gjatë kontrollimit të tij – në trupin e tij në gjepat e setrës janë gjetur 11 paketime me substanca të dyshuara për narkotik dhe po ashtu gjatë bastisjes në shtëpinë e tij janë gjetur edhe dy vazo të cilat ishin të mbjellura me CANABIS ATIVA, e të cilat në bazë të testit fushor kanë rezultuar si pozitive përkatësisht CANABIS në peshë prej 66,25 gram”.
“Gjykata Themelore në Prizren cakton paraburgim në kohëzgjatje prej 1 muaji i cili do të llogaritet prej kohës së arrestimit 30.04.2014 dhe do të zgjasë deri me datën 29.05.2014”./prizrenpress.com/