25.8 C
Prizren
E martë, 23 Korrik, 2024

Oficerët e zhdoganimit të doganave, pushojnë të dielave

Kufiri ne vermicAutomjete komerciale që presin të hyjnë në Kosovë, po hasin në vështirësi të mëdha. Që nga 1 gushti punonjësit e doganave pushojnë gjatë vikendeve.Në pikën kufitare të Vërmicës makinat presin me orë të tëra. Terminali i ri në Prizren, ndërkaq është i vogël për të përballuar numrin e madh të automjeteve e shumë nga produktet që importohen, nuk mund të rrinë gjatë në këto temperatura të larta, që po mbretërojnë këto ditë.

Abdyl Lokaj, vozitës i një kamioni me karburant, ka mbërritur që mbrëmë në mesnatë në pikën doganore të Vërmicës, por deri në orën 15, të pasdites së sotme, ai nuk po mund të udhëtojë për Ferizaj, pasi siç i kanë thënë zyrtarët doganorë, nuk po punon sistemi i regjistrimit të automjeteve komerciale.

Ai thotë se materiali që ai importon, është mjaft delikat, për t’i rezistuar temperaturave të larta.

Sikur të mos mjaftonte kjo, për automjetet komerciale që presin të hyjnë në Kosovë, problem mbetet edhe zhdoganimi në Terminalin e Prizrenit, siç pohojnë ata, që nga 1 gushti, punonjësit e Doganave të këtij sektori të dielave janë pushim dhe Terminali është i vogël.

Sipas zyrtarit për informim të doganave të Kosovës, Adriatik Stavileci, që nga 1 gushti, të dielave nuk do të ketë oficerë doganorë, që të zhdoganojë automjetet komerciale, pasi sipas tij, niveli i zhdoganimit është i ulët, gjë që bën që kostoja e doganimit të jetë më e lartë se përfitimi.

Sipas Stavilecit, kjo është e rregulluar sipas Udhëzimit administrativ të Doganave të Kosovës, ku këta të fundit do të përcaktojnë ditët dhe orarin e zhdoganimit.

Më Shumë

Vazhdon ndërtimi i Memorialit në Krushë të Vogël në nderim të martirëve

Në nderim të martirëve të masakrës së Krushës së Vogël, e cila ndodhi para 25 viteve - gjatë luftës në Kosovë, po vazhdon ndërtimi...

26 vjet nga masakra në Rahovec

Më 19 korrik 1998, si pasojë e një sulmi të forcave serbe, në Rahovec shumë shqiptarë u vranë e u plagosën. Në Teqenë e Sheh...

Lajmet e Fundit