Drejtori i Administratës së Komunës së Prizrenit, Osman Hajdari, e ka quar në ‘kupë të qiellit’ për të mirë Qeverinë e Haskukës.
Ai, në një debat në RTK 3, me kuvendarin e PDK-së, Getoar Besimi, ka thënë se qeveria aktuale e Prizrenit, është model për të tjerat, transmeton “PrizrenPress”.
“Kemi bërë shumë punë që PDK-ja për 10 vjet nuk i ka bërë”, tha Hajdari.
Sipas tij, PDK-ja nuk ka menduar asnjëherë për qytetarët e Prizrenit.
“Veç servilët i ka favorizuar, kurse ne kam rritur rrogat për të gjithë punëtorët”.
Osmani ka folur edhe për përplasjet e koalicionit.
“Koalicioni funksionon shumë mirë. Brenda saj ka shumë debate. Shyqyr që PDK-ja tash është zgjuar nga gjumi”./PrizrenPress.com/