Sot, në shkollën profesionale në Mejdan të Shajnes, u mbajt Edicioni i tretë i Panairit të Produkteve Lokale Vendore “EXPO SHARRI”, ku dhjetëra biznese lokale promovuan produktet e tyre autoktone.
Panairi u organizua nga Shoqata e Afaristëve “Sharri”, me mbështetje të Komunës së Dragashit, dhe u vizitua nga personalitete të rëndësishme të nivelit qendror dhe lokal, përcjell PrizrenPress.
Gjatë hapjes së panairit, kryetari i Komunës së Dragashit, Bexhet Xheladini, theksoi rëndësinë e përkrahjes së prodhimeve vendore: “Blerja dhe konsumimi i prodhimeve vendore është çelësi për zhvillim të qëndrueshëm ekonomik lokal,” tha ai, duke shtuar se mbështetja e bizneseve të vogla dhe fermerëve është jetike për rritjen e ekonomisë dhe krijimin e vendeve të reja të punës.
Pjesëmarrës në panair ishin edhe zëvendëskryeministrja Emilija Rexhepi dhe deputetja Duda Balje, të cilat përgëzuan organizatorët për këtë ngjarje. Presidentja e Kosovës, Vjosa Osmani, gjithashtu vizitoi panairin, ku u prit nga kryetari Xheladini dhe anëtarët e Shoqatës së Afaristëve “Sharri”./PrizrenPress.com/
Përjetoni pushime të paharruar dhe dasma magjike në Hotel “Albes Residence”
