29.4 C
Prizren
E mërkurë, 18 Qershor, 2025

E paqartë fushata për balotazh

Zgjedhjet lokale2013Kanë mbetur edhe dhjetë ditë kur në 25 komunat e Kosovës do të zhvillohet balotazhi për kryetarë të komunave. Në planin operacional, që në parim e ka miratuar Komisioni Qendror i Zgjedhjeve, fushata zgjedhore është e paraparë nga 25 deri më 29 nëntor. Megjithatë, kjo nuk është vendimtare.

Vetë kryetarja dhe anëtarët e KQZ-së kanë dilema se sa duhet të jetë fushata para balotazhit.

Për partitë politike dhe kandidatët që janë në balotazh nga zgjedhjet e 3 nëntorit, duket se nuk ka pasur fare pushim të fushatës zgjedhore pas raundit të parë. Këtë e ka vënë re edhe kryetarja e Komisionit Qendror të Zgjedhjeve, Valdete Daka.

“Fushata zgjedhore s’është ndërprerë hiç dhe është në vazhdim e sipër”, ka thënë Daka të shtunën në mbledhjen e KQZ-së.

Driton Selmanaj nga Instituti Demokratik i Kosovës kritikon këtë qasje të subjekteve politike. “Mendoj se kjo qasje deri sot e subjekteve politike, po e shfrytëzojnë vakumin juridik në Kosovë dhe po bëjnë çmos që qytetarët e Kosovës gjithmonë të jenë nën presionin e tyre që ata të jenë në qendër të vëmendjes në mënyrë që të ndikohen për të marrë votat për zgjedhjet e balotazhit”, tha Selmanaj për Radio Kosovën.

Legjislacioni i aplikueshëm në Kosovë, nuk i sanksionon subjektet politike që fillojnë fushatën para kohës. Prandaj, Selmanaj thotë se duhet të vendosen masa sanksionuese për ato subjekte politike në mënyrë që ato të jenë shembull i respektimit të ligjit në Kosovë.

Ndryshe, KQZ-ja në mbledhjen e së shtunës ka miratuar në parim planin operacional të Sekretariatit të KQZ-së, ku është e përfshirë edhe periudha e fushatës nga 25 deri më 29 nëntor, mirëpo kjo çështje ka mbetur e hapur.

Zëdhënësi i KQZ-së Valmir Elezi tha se shumë shpejt do të dihet sa do të zgjas fushata. “Komisioni Qendror i Zgjedhjeve do të marrë vendim për kohëzgjatjen e fushatës së balotazhit. Zakonisht kjo periudhë është më e shkurtër”, tha Elezi për Radio Kosovën.

Sipas ligjit, kohëzgjatja e fushatës për raundin e dytë të zgjedhjeve për kryetarë të komunave, caktohet me vendim të veçantë të KQZ-së.

Më Shumë

Prizreni, qyteti që i ka dhënë shumë kombit

Haziz Hodaj Sot, më 12 qershor, përulemi me ndjenjë të veçantë dhe krenari përpara një date që shënon një kthesë historike për qytetin tonë –...

Bashkimi nis sezonin me vazhdimësinë e tri figurave kyçe: Morina, Bunjaku dhe Zeqiri mbeten portokalli e zi

Kapiteni, lojtari luftarak dhe i preferuari i tifozëve vazhdojnë me klubin prizrenas Klubi i basketbollit Bashkimi ka filluar prezantimin e skuadrës për sezonin 2025/26 me...

Lajmet e Fundit