Partia Demokratike e Kosovës në Malishevë përmes një komunikate për shtyp i ka mohuar përfoljet se në këtë degë janë shkaktuar përçarje për shkakun se kryetari i Degës, Isni Kilaj, nuk është kandiduar për postin e deputetit të Parlamentit të Republikës së Kosovës.
“PDK unike, Kilaj kryetar i Shtabit Zgjedhor të Degës”, ka raportuar PDK-ja.
“Kryesia e PDK-së në Malishevë të martën pasdite ka mbajtur një takim me strukturat e saja drejtuese ku është njoftuar edhe për listën e kandidatëve të saj, në takim u demantuan fuqishëm informacionet se moskandidimi i kreut të Degës, z. Isni Kilaj, ka shkaktuar përçarje brenda Degës”, ka theksuar Zyra e informacionit e Degës së PDK-së.