Në Gjykatën Themelore në Prizren, ka përfunduar seanca e sotme gjyqësore kundër kryetarit të Komunës, Ramadan Mujës dhe pesë drejtorëve të tij.
Në këtë seancë është lexuar dëshmia e koordinatorit të Administratës, Ragip Gajrakut, i cili për shkaqe shëndetësore nuk ka mundur të marrë pjesë fizikisht. Po ashtu në këtë seancë është dëgjuar dëshmia e kryetari i fshatit Korisë, Veli Dakaj. Gajraku në dëshminë e tij, ka deklaruar se si koordinator i Administratës nuk ka qenë në dijeni për dhënien e pronës komunale Fabrikës së Çokollatës “Kamila” dhe shkollës “Mehmet Akif”.
Kryetari i fshatit Korishë, Veli Dakaj ndërkaq deklaroi se nga kryetari i Komunës, Ramadan Muja, kanë kërkuar pastrimin e hapësirës dhe ndërtimin e një fusha sportive. “Ne jemi pajtu që të ndërtohet Fabrika e Çokollatës”.Seanca gjyqësore do të vazhdoj edhe nesër. Në këtë seancë, do të dëshmojë kryetari i Komunës, Ramadan Muja. /PrizrenPress.com/