7.8 C
Prizren
E enjte, 8 Dhjetor, 2022

Përfundon intervistimi i kandidatëve për kryetar të Gjykatës Themelore në Prizren

Komisioni Vlerësues në përbërje të anëtarëve Teuta Ibrahimi, Arjeta Sadiku dhe Drita Rexhaj, ka intervistuar gjyqtarët, Agron Hoxha, Atdhe Berisha dhe Shpresa Emra, gjyqtarë këta që i kanë hyrë garës për pozitën e kryetarit të Gjykatës Themelore të Prizrenit, sipas konkursit të rishpallur nga Këshilli Gjyqësor i Kosovës, raporton “Betimi për Drejtësi”.

Ndryshe, kandidatë për këtë garë ka qenë edhe gjyqtari Shaban Shala,  por i njëjti pas shqyrtimit të aplikacioneve nuk është ftuar për intervistë.

Për më shumë se 20 muaj, Gjykata Themelore në Prizren është duke funksionuar pa kryetar, por vetëm me ushtrues detyre të kryetarit.

Që nga data 4 korrik 2020, kjo gjykatë udhëhiqet nga ushtruesi i detyrës së kryetarit të kësaj gjykate, gjykatësi Artan Sejrani.

Me vendimin e KGjK-së të nxjerrë më 23 qershor 2020, Sejrani ishte caktuar ushtrues detyre i kryetarit të kësaj gjykate deri në emërimin e kryetarit nga ana e KGjK-së.

Kjo ngase, ish-kryetari i kësaj gjykate, Ymer Hoxha për shkak të arritjes së moshës së pensionimit, kishte përfunduar mandatin si udhëheqës i kësaj gjykate dhe ishte propozuar tek Presidentja Vjosa Osmani për lirim nga detyra e gjyqtarit, respektivisht kryetarit.

Fillimisht, KGjK më 27 janar 2021 kishte shpallur konkurs për pozitën e të parit të Gjykatës Themelore në Prizren, ku kishin aplikuar dy kandidatë.

Në këtë konkurs garuan gjykatësi Agron Hoxhaj dhe Artan Sejrani, mirëpo ky i fundit, ditën e intervistimit kishte njoftuar tërheqjen nga gara për arsye personale.

Edhe pse ishte kandidati i vetëm në garën për pozitën e udhëheqësit të kësaj gjykate, gjykatësi Agron Hoxhaj nuk mori besimin e anëtarëve të KGjK-së për t’u emëruar si kryetar i Gjykatës Themelore në Prizren.

Në rrethana të tilla, KGjK në takimin e saj të mbajtur më tetor 2021 kishte marrë vendim për rishpalljen e konkursit për kryetar të Gjykatës Themelore në Prizren./BetimipërDrejtësi

 

Më Shumë

Patrioti nga Zhuri, ish i burgosur politik, kërkon lëmoshë Prizrenit (video)

Tasim Badallaj është një ish-patriot e i burgosur politik nga regjimi serb. Tash ai çdo ditë viziton kafenetë e Prizrenit dhe nga urtësia e tij...

Luftimet në Ukrainë do të ngadalësohen në muajt e dimrit, thotë inteligjenca amerikane

uftimet në Ukrainë janë ngadalësuar dhe kjo ka të ngjarë të vazhdojë në muajt e ardhshëm të dimrit, besojnë agjencitë e inteligjencës amerikane. Megjithatë, nuk...

Lajmet e Fundit