(E plotesuar) Para pak momentesh ka përfunduar takimi i grupit parlamentar të PDK-së i cili u mbajt në zyrat e kësaj të fundit në Kuvendin e Kosovës.
Në takim ka marrë pjesë edhe kryekuvendari Kadri Veseli.
As lideri i këtij subjekti politik, Hashim Thaçi dhe asnjë zyrtar tjetër nuk janë prononcuar për media lidhur me rezultatet e takimit që u mbajt disa minuta para se të nis seanca e parlamentit ku pritet votimi i Gjykatës Speciale, njofton Klan Kosova.
PDK mblidhet edhe njëherë para Speciales
Grupi Parlamentarë i Partisë Demokratike të Kosovës do të mblidhet edhe njëherë sot para seancës së Kuvendit.
Burime të KosovaPress-it thonë se deputetët e PDK-së do të mblidhen sot në orën 09:30.
Gjatë seancës së sotme në Kuvendin e Kosovës do të shqyrtohet dhe votohet për amendamentin kushtetues që i hap rrugë themelimit të Gjykatës Speciale.