10.7 C
Prizren
E enjte, 18 Shtator, 2025

Përkujtohet sot, 90-vjetori i Kadri Roshit

KadriRoshi-artisti popullitDita e sotme, shënon 90 vjetorin e lindjes së Kadri Roshit, një prej kolosëve të filmit dhe teatrit shqiptar, ku ai la figura të spikatura që nuk do të harrohen kurrë.

Artisti i Popullit, i njohur si Ezopi shqiptar, apo patriarku i fjales se kënduar shqipe, siç e ka cilësuar poeti Dritero Agolli. Fjala në gojën e tij merr tingullin e zileve të këmboreve, të Malit të Nemërçkës, Malit të Gjerë, të këngës së bukur polifonike, të gurgullimës së lumenjve.

Kadri Roshi u lind në 4 janar të vitit 1924 në Mallakastër. Në karrierën e tij të gjatë që fillon nga viti 1945, numërohen rreth 170 role, prej të cilave 130 janë role kryesore, që do të bënin të ndihej krenar këdo prej aktorëve të skenës dhe ekranit shqiptar. Në vitin 1961, Kadri Roshi u nderua me titullin “Artist i Merituar” dhe në vitin 1969, me çmimin e madh “Artist i Popullit”, ndërsa në vitin 1995, në festivalin e 10-të të Filmit Shqiptar, mori cmimin e “Karrieres”. Nga Presidenti i Republikes në vitin 1998 iu akordua titulli “Nderi i Kombit”.

Ai u rrit në skenën e Teatrit Kombetar, duke qenë një nga themeltarët e tij. Ka interpretuar veprat më të spikatura të dramaturgjisë botërore dhe asaj shqiptare, të cilat përbëjnë një jetë të madhe artistike, ku ndërthuren vështirësitë e një jete prej jetimi, çiraku, portieri kinemaje dhe deri tek aktori origjinal me portretin e njeriut të fisëm. Pasionant i duhanit dhe peshkimit. Besonte se për të qene i suksesshëm duhej shumë punë e se mjaftonte pak talent.

U nda nga jeta me dëshirën dhe ëndrrën për të jetuar me skenën. “Të gjitha rolet që nuk i kam luajtur i kam pengje. Kështu e ka jeta e aktorit”, ishte shprehur. “Unë jam shqiptar. Jam aktor shqiptar nga koka tek këmbët, nga këmbët tek koka dhe për këtë krenohem”, ka deklaruar artisti, Roshi./24orë/

Më Shumë

Bashkimi mposhti Trepçën në miqësore

Bashkimi ka shënuar fitore ndaj Trepçës në miqësoren e zhvilluar sonte në “Sezai Surroi” në Prizren, ku kishte rreth 1 mijë shikues. Ekipi prizrenas ka...

Nderohen me pulla postare atdhetarët Musa Shehzade dhe Metush Krasniqi

Posta e Kosovës, përmes Filatelisë së saj, ka lëshuar sot në qarkullim emisionin e pullave postare “Personalitete – Musa Shehzade dhe Metush Krasniqi”. Dy...

Lajmet e Fundit