Petrit Kryeziu caktohet ushtrues detyre i Kryeprokurorit të Prizrenit

Prokurori Petrit Kryeziu është caktuar si ushtrues detyre i Kryeprokurorit të Prokurorisë Themelore të Prizrenit, pas miratimit të dorëheqjes së Admir Shalës nga kjo pozitë.

Admir Shala me miratimin e Këshillit Prokurorial të Kosovës tani do të kthehet në punë në Prokurorinë Speciale.

Ai ka ofruar dorëheqje nga pozita e Kryeprokurorit të Prokurorisë Themelore të Prizrenit në fillim të muajit gusht.

Në mbledhjen e 251-të të KPK-së ishte diskutuar edhe kërkesa e kryeprokurorit të Prizrenit, për t’u dorëhequr dhe për të kaluar në Prokurori Speciale.

Shala ka qenë prokuror në PSRK deri në ditën kur është zgjedhur kryeprokuror i Prokurorisë së Prizrenit në janar 2017.

Admir Shala ishte rizgjedhur kryeprokuror i Prizrenit dhe mandati i tij përfundon në fund të vitit 2024.

Në mbledhen që po mbahet sot (27.08.2024) të Këshillit Prokurorial të Kosovës u vendos edhe zgjedhja e prokurorit Petrit Kryeziu në pozitën e ushtruesit të detyrës së kryeprokurorit në Prizren. /Kallxo.com/

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri