Njësitet policore të Kosovës dhe njësiti i FSK’së për kërkim-shpëtim janë aktivizuar për të kërkuar 2 vjeçarin e humbur në Tërpezë të Malishevës.
Siç bëhet e ditur në raportin 24-orësh të policisë, pas raportimit për fëmijën e humbuar njësitë policore dhe K-9 së bashku me banorë të fshatit janë vënë në kërkim.
“PERSON I HUMBUR: Fsh. Terpezë, Malishevë, 21.08.2020 – 20:00. Është raportuar se një fëmijë dy vjeç mashkull kosovar ka dalë nga shtëpia dhe njësitë policore dhe K-9 po ashtu edhe banorë të fshatit janë vënë në kërkim. Është njoftuar edhe njësiti i FSK-së”, thuhet në raportin e policisë.
Familjarët me anë të disa postimeve në Facebook, kanë kërkuar ndihmën e qytetarëve për kërkime dhe për gjetjen e tij. /Express/
