Policia dhe inspektorët e Komunës së Prizrenit, do të angazhohen në kapjen e keqpërdoruesve të ujit të pijshëm.
Menaxheri për Furnizim të Konsumatorëve në “ Hidroregjionin Jugor” në Prizren,Hysni Ahmeti, tha se keqpërdorimet e shumta nga qytetarë të pandërgjegjshëm, po ndikojnë dukshëm në furnizimin me ujë.
“Ky trend është i vazhdueshëm, dhe për këtë arsye kemi ftuar që të na japin përkrahje në zgjidhjen e këtij problemi edhe organet përkatëse komunale dhe policia”, tha Ahmeti
Menaxhmenti i Ujësjellësit “ Hidroregjioni Jugor” në Prizren, sot ka ftuar në një takim drejtues të policisë rajonale të Prizrenit , drejtorin e shërbimeve publike dhe atë të inspektorateve, për të diskutuar rreth furnizimit me ujë të këtij rajoni e në veçanti atë të komunës së Prizrenit.
Të gatshëm për të dhënë kontribut në zgjidhjen e këtij problemi përmes ndihmës konkrete zyrtarë të Drejtorisë së Inspektorateve.
Drejtori Bedri Bytyçi , premtoi se do të jenë pranë tyre në çdo kohë , me qëllim që t’i jepet fund një fenomeni të tillë.
Pa asnjë rezervë Kompaninë e “Hidroregjionit Jugor” do të mbështesë edhe policia rajonale e Prizrenit.
Drejtori Nexhmi Krasniqi, tha se, do të asistojnë në çdo situatë dhe keqpërdoruesit e ujit të pijshëm të vihen para drejtësisë/TV Prizreni/