Aktori dhe regjisori Laert Vasili, i cili i kërcënua kur vuri në skenë pjesën “Corpus Christi” në Greqi, thotë se do kishte dashur edhe ai një marshim kundër kërcënimit të tij.
Vasili u kërcënua në vitin 2012 dhe u akuzua për blasfemi, pasi pjesa që vuri në skenë flet për një personazh, të quajtur Joshua, që ka elementë të jetës së Krishtit, por është homoseksual.
“Këto ditë kuptova që po të më kishin vrarë atëherë, ndoshta mund të ishte bërë një marshim paqësor në Shqipëri nga skena politike. Po meqë nuk më vranë dhe u vranë disa gazetarë në Paris, atëherë skena politike shqiptare bëri një xhiro në Paris, në përkrahje të fjalës së lirë,” tha ai për GSH.
“Dhe kur deputetët shqiptarë rrihen me grushte. Ndërkohë ne parakalojmë në Paris për fjalën e lirë. Mirë është të luftosh për vlerat dhe të ëndërroj që do vijë një ditë që do i kemi. Mua do më pëlqente që të ishte bërë një marshim për çështjen time, kur u rrezikuam unë dhe familja ime me jetë, si nga fanatikët e fesë, ashtu edhe nga neonazistët. Nuk pati diçka të tillë”.