Të paktën 15 raste për ndërtimet pa kriter në zonën turistike të Prevallës kanë qenë nën hetim nga Prokuroria Themelore e Prizerenit një vit më parë.
Ndërkaq, zyrtarisht mësojmë se është ngritur një aktakuzë nga Departamenti i krimeve të rënda në Prokurorinë e Prizerenit kundrejt një inspektori të ndërtimit në komunën e Prizerenit, shkruan gazeta Kosova Sot.
Bëhet fjalë për inspektorin e ndërtimit Enver Bytyqi, i cili është ndjekur penalisht në gjendje të lirë, ndërkohë që vijon të ushtrojë punën në Komunën e Prizerenit.
Me 28.04.2014, prokurori Metush Biraj ka ngritur aktakuzën kundër inspektorit të ndërtimit, Enver Vytyqi, pasi në cilësinë e personit zyrtar, duke shfrytëzuar detyrën, nuk ka përmbushur detyrat zyrtare, me qëllim që të përfitojë çfarëdo dobie për vete./KosovaSot/