Një aksident trafiku ka ndodhur në rrugën “Xhevat Berisha” në Prizren, ku një motoçiklist është rrëzuar dhe ka pësuar lëndime të rënda trupore.
Sinjalizuesit e Sinjalit bëjnë me dije se bëhet fjalë për një 16-vjeçar, i cili derisa ishte në lëvizje, e humb kontrollin dhe rrëzohet, duke pësuar frakturë në këmbë.
Si pasojë e lëndimeve, i mituri është dërguar në repartin e Ortopedisë të Spitalit të Prizrenit, për të marrë trajtim mjekësor.