Si pasojë e dy aksidenteve në trafik, pesë persona kanë marrë lëndime trupore. Sipas raportit të Policisë, njëri rast ka ndodhur në rrugën “Flamuri” në Prizren dhe tjetri në fshatin Semetisht të Suharekës.
Në rrugën “Flamuri”, raportohet se një person ka goditur me veturë një këmbësor. “Një mashkull K/Shqiptar gjersa ka qenë duke lëvizur në rrugë nga pakujdesia ka goditur një këmbësor mashkull K/Shqiptar”, njofton Policia.
Viktima është dërguar në spitalin e Prizrenit. Me vendim të prokurorit rasti shkon në procedurë të rregullt.
Në fshatin Semetisht, ndërkaq, raportohet se një veturë është rrokullisur, ku si pasojë janë lënduar katër persona. “Është arrestuar një mashkull K/Shqiptar pasi që i njëjti gjersa ka qenë duke lëvizur me veturë në rrugë duke mos iu përshtatur kushteve të rrugës ka dalë jashtë duke u rrokullisur. Lëndime trupore kanë pësuar një mashkull dhe tri femra K/Shqiptare, të cilët janë transportuar në spitalin e Prizrenit”, njofton Policia.
I dyshuari pas intervistës me vendim të prokurorit është liruar në procedurë të rregullt. /PrizrenPress.com/