Kryeministri i Hashim Thaçi ka thënë se sot në takimin e Komitetit Drejtues për Liberalizimin e Vizave se pavarësisht zhvillimeve rreth marrëveshjes me Serbinë procesi i liberalizimit të vizave mbetet prioritet kryesor për qeverinë.
Kreu i ekzekutivit kosovar u ka kërkuar më shumë angazhim anëtarëve të kabinetit të tij dhe gjithë segmenteve të kyçura në obligimet që dalin në udhërrëfyesin për liberalizmin vizave .
Në takimin e karakterit diskutues për paketën legjislative që lidhet me liberalizmin e vizave kryeministri Thaçi ka thënë se ka ende shumë punë për t’u bërë.
Ai ka thënë se Kosova ene nuk është në pikën ku dëshiron të jetë në këtë proces dhe për këtë arsye ka kërkuar të mos ketë situata lodhje apo relaksimi
Kryeministri ka kërkuar intensifikim përpjekjesh dhe ka shprehur optimizëm se kosovarët së shpejti do të kalojnë në Listën e Bardhë të Shengenit.
Autoritet e BE-së së fundi kanë kërkuar nga institucionet vendore hapa më të shpejt në finalizimin e aktet ligjore, nënligjore dhe strategjitë e nevojshme për të përmbyllur pakon Legjislative.