Prokuroria Speciale e Kosovës (PSRK) u ka bërë apel atyre që kanë parë rastin e marrjes, dhunës dhe vrasjes së dy të rinjve në Prizren në mars të vitit 1999 nga paramilitarët serbë, të paraqiten dhe t’i japin informatat që mund t’i kenë:“Më 29 mars 1999 rreth orës 09:15 të mëngjesit, një radhë e refugjatëve ishte ndaluar nga paramilitarë serbë përpara Llamellës B/2, rruga “11 marsi” në Ortakoll, Prizren”,transmeton lajmi.net
“Dy individë dyshohet të kenë marrë nga një traktor dy djem të rinj të cilët ishin me familjet e tyre dhe i kishin rrahur me kondak të automatikut derisa dy djemtë ishin alivanosur. Pastaj i kishin tërhequr zvarrë deri në fabrikën e ushqimit “Voqar” në Prizren dhe i kishin vrarë”.
“Nëse ndonjë person ka informata lidhur me këtë ngjarje, përfshirë identitetin e këtyre dy djemve apo familjeve të tyre, apo që ka qenë dëshmitar i rastit, lusim ta kontaktoj zyrën e PSRK’së”, thuhet në komunikatën e lëshuar nga EULEX.