16.8 C
Prizren
E premte, 14 Qershor, 2024

Pse m’u ktheve prap

Skënder Berisha

U praptuan të gjitha udhët
Dhe u mundove të shlyesh
Gjithë a të që u shtresua
Tash e sa mot

Në skaj të molit të vetmuar
Pulëbardha e vetmuar
Nuk na ka parë që kohë
Ani se vje e lodhur e kot

Nuk na gjen më si moti
Strukur në njëri-tjetrin
Ashtu shtruar
Në valët e detit

Anise i flisnim vetëm vetit
Dhe luteshim që pulëbardhat
Të dynden atypari
Pak për ne edhe për veti

E di se shumëçka treti
Këndej dhe matanë detit
E vjetët u paluan
Si palon veshët dhelpëra

Tash pak kohë mbeti
U rrëxua edhe plepi
Që na vërejti
U tret edhe ai i vërteti

Tash valë hedh përditë deti
Në rërë shkrimi i vjetër treti
Më kujtohet Buzuku i shkreti
Që shkroi e nuk reshti

Po e ndez një po pi një edhe një
Deri kur t’më varret plaga
Ç’nuk thotë sot mendja
Që përkundet në ëndrra

tetor 2022

Më Shumë

Walker: Kosova është një tregim i jashtëzakonshëm suksesi

Ambasadori William Walker është takuar me kryeministrin Albin Kurti. Këtë takim Walker e ka vlerësuar produktiv dhe shumë trë mirë. “Më lejoni të them se...

Nesër bëhet inaugurimi i shërbimit të Kardiologjisë në Spitalin e Prizrenit

Nesër  në Spitalin e Përgjithshëm “Prim. Dr. Daut Mustafa” në Prizren, do të bëhet inaugurimi i shërbimit të Kardiologjisë Intervente - Laboratori i Kateterizimit,...

Lajmet e Fundit