Renato Sanches është një nga objektivat primar të PSG-së për të forcuar mesfushën. Portugezi ka dhënë miratimin për të kaluar në “Parc des Princes”.
Sipas francezes “Le Parisien”, PSG ka bërë përpjekjen e parë zyrtare për të marrë shërbimet e ish-lojtarit të Bayern Munich.
Skuadra nga kryeqyteti ka ofruar 10 milionë euro te Lille për kartonin e mesfushorit. 24-vjeçari ka dhe një vit kontratë të mbetur me klubin aktual.
Sezonin e fundit, Sanches bëri 32 paraqitje në të gjitha garat, duke realizuar dy gola dhe pesë asiste.
Nga PSG-ja pritet të largohen mesfushorët Leandro Paredes, Idrissa Gana Gueye, Danilo Pereira dhe Ander Herrera.
Ndërsa, përveç Sanches-it, parisienët po përgatiten dhe për afrimin e Vitinha-s nga Porto. Mesfushori tjetër portugez vlerësohet 40 milionë euro.
/Albanianpost.com