Qeveria e Kosovës ka dalë me sqarim lidhur me një vendim të Qeverisë së Kosovës lidhur me ndarjen e mjeteve buxhetore në kuadër të masës 3.6 të Pakos për Ringjallje Ekonomike.
Lidhur me këtë, Qeveria ka sqaruar se nuk janë ndarë 100 euro shtesë për zyrtarët publikë, por se 32 mijë euro janë ndarë për rastet e ankesave dhe gabimeve për punëtorët e Ndërmarrjeve Publike për masën 3.6.
“Sqarim në lidhje me keqraportimin se Qeveria ka ndarë 100 euro shtesë për zyrtarët publikë. Në mbledhjen e sotme nuk ka pasur një vendim të tillë. Sot janë ndarë vetëm mjetet shtesë prej 32 mijë euro për rastet e ankesave dhe gabimeve për punëtorët e ndërmarrjeve publike për masën 3.6, e cila ishte ekzekutuar në vitin e kaluar në kuadër të Pakos për Ringjalljen Ekonomike. Ftojmë të gjitha ato medie që të përmirësojnë lajmin e dhënë.”, ka shkruar zëdhënësi i Qeverisë, Përparim Kryeziu.
Qeveria e Kosovës në mbledhjen e sotme ka marrë gjithashtu vendim lidhur me mbështetjen e bizneseve private që rrisin pagat e punëtorëve në shumën prej 100 euro.
Për çdo biznes që rrit pagën e punëtorit prej 100 euro, Qeveria do t’ia subvencionojë 50 përqind të shumës për 3 muajt e parë. /Paparaci.com/
==================
Qeveria merr vendim: Ndahen 100 euro shtesë për punëtorët e ndërmarrjeve publike me pagë deri në 1000 euro
Qeveria e Kosovës ka marrë vendim për ndarjen e 100 eurove për punëtorët e ndërmarrjeve publike në Kosovë që kanë pagë deri në 1000 euro.
Shuma totale e ndarë për këtë është 32,300 euro.
Ministri i Financave, Hekuran Murati ka thënë se masat janë në vazhdimësi ose kanë rezultuar nga procedurat ankimore.
“Siç e theksuar kemi të bëjmë me dy masa që janë në vazhdimësi, pra kemi të bëjmë me pagesa që kanë të bëjnë me vazhdimin ose që kanë rezultuar nga procedurat ankimore. Shuma është 32,300 euro dhe mbahet në kuadër të MFPT.”, tha Murati.
Pika 1.4 e këtij vendimi parasheh ndarjen e 100 eurove shtesë në pagat e punonjësve të shtetit.
“Në kuadër të masës 3.6 – Mbështetja e likuiditetit familjar, të gjithë punonjësit në ndërmarrjet publike që marrin pagë primare deri në njëmijë (1,000 €) e që kualifikohen për përfitim, mbështeten me shumen e njëhershme prej njëqind euro (100 €)”, thuhet në pikën 1.4 të masës 3.6 të pakos.