Kryeministri i Shqipërisë, Edi Rama ka shprehur respektin e tij për shkrimtarin shqiptarë me famë botërore, Ismail Kadare, i cili u nderua nga Franca ditë më parë me “Urdhrin e Legjionit të Nderit”, që është dekorata më e lartë e Francës.
Ai ka shkruar në Facebook se Kadare është shkrimtari që e ka çuar gjuhën shqipe në maja të pashkelura më parë, dhe ka bërë që vepra e tij të admirohet në plot gjuhë të botës
“Në hyrje të 2016-ës që përkon edhe me vitin e 80 vjetorit të shkrimtarit tonë botërisht të mirënjohur, presidenti François Hollande e ngriti Ismail Kadarenë në gradën më sipërore të Urdhrit të Legjionit të Nderit, dekorata më e lartë e Francës! Urime nga zemra me mirënjohje e respekt, shkrimtarit që e ka çuar gjuhën shqipe në maja të pashkelura më parë dhe e ka bërë veprën e tij, të lexohet e të admirohet në plot gjuhë të botës”, ka shkruar Rama.