Disa persona janë përfshirë në një rrahje në fshatin Landovicë të Prizrenit. Policia bën të ditur se si pasojë e kësaj rrahje tre persona kanë përfunduar për trajtim mjekësor në Spitalin e Prizrenit.
“Në një lokal ka ndodhur një rrahje në mes të disa personave. Si pasojë e rrahjes tre persona- shtetas të Shqipërisë, kanë pësuar lëndime të rënda trupore dhe të njëjtit janë dërguar në spitalin e Prizrenit për tretman mjekësor”, njofton PK.
Një rrahje tjetër ka ndodhur në fshatin Leshan të Suharekës, ku dy të dyshuar pas një mosmarrëveshje kanë sulmuar fizikisht një mashkull. Viktima ka pësuar lëndime të lehta trupore dhe ka pranuar tretman mjekësor. /PrizrenPress.com