3.8 C
Prizren
E martë, 29 Nëntor, 2022

Salih Mustafa sot del para Speciales

Njëri ndër ish-komandantët e UÇK-së, Salih Mustafa, ka kohë deri sot që para gjykatësit të procedurës paraprake të pranojë fajësinë ose jo lidhur me akuzat e Prokurorisë Speciale për krime lufte. Seanca dëgjimore për rastin e tij do të mbahet sot në orën 15:00.

Mustafa ka refuzuar të deklarohet në paraqitjen e tij publike para gjykatës më 28 shtator të këtij viti, si dhe në paraqitjen tjetër më 5 tetor.

Sipas rregullave të procedurës së gjykatës ai ka afat 30 ditë nga paraqitja e tij e parë para gjykatës të pranojë fajësinë ose jo.

Prokurori i Specializuar njoftoi se do të ketë të paktën 16 dëshmitarë në rastin kundër Mustafës, si dhe evidencë të shkruar dhe fotografi.

Aktakuza e konfirmuar kundër Salih Mustafës thotë se ai është përgjegjës për disa krime, si tortura dhe keqtrajtim ndaj të paktën gjashtë personave në periudhën nga 1 prilli 1999 deri më 19 prill 1999 në fshatin Zllash ku operonte një qendër burgimi.

Mustafa i njohur si Cali ishte arrestuar dhe ekstraduar në Hagë më 24 shtator me urdhër të gjykatës pasi aktakuza ishte konfirmuar.

Më Shumë

Prokuroria në Prizren po zbaton vendimin e KPK-së, kryen vetëm shërbimet esenciale

Prokuroria Themelore në Prizren, të enjten, ka filluar zbatimin e vendimit të Këshillit Prokurorial të Kosovës (KPK), andaj po kryen vetëm shërbimet esenciale konform...

Kosova feston sot Ditën e Flamurit

Edhe sot vazhdojnë manifestimet në kuadër të Ditës së Flamurit, 28 nëntorit.   Në orën 09:00, bëhen homazhe pranë shtatores së heroit kombëtar, Gjergj Kastrioti- Skënderbeu. Më...

Lajmet e Fundit