Nicole Scherzinger dhe Lewis Hamilton prej 8 vitesh janë të lidhur me njëri-tjetrin dhe duket se përvjetorin e tyre të dashurisë e kanë festuar nëpërmjet një udhëtimi romantik që kanë bërë në qytetin e dashurisë në Venecia.
Ata u fotografuan teksa bënin një shëtitje me gondola të përqafuar dhe tejet të dashuruar. Këngëtarja Scherzinger dhe piloti i Formula 1 kanë patur ulje dhe ngritje në marrëdhënien e tyre, por dashuria duket se ka triumfuar.
Nicole kishte veshur një fustan të zi që nxirrte në pah fizikun e tonifikuar, mbante një kapele, syze të errët dhe çantë “Chanel”. Pas xhiros me gondola ata u fotografuan edhe teksa bënin shëtitje nëpër qytet.
Së shpejti këngëtarja Nicole Scherzinger pritet të hedhë në treg edhe videon më të re.