Policia e Kosovës njofton se njësiti për Hetimin e Krimeve Ekonomike dhe Korrupsionit në Prizren, në bashkëpunim me inspektoratin farmaceutik dhe zyrtarët e doganës, ka realizuar urdhër kontroll në nëntë barnatore në rajonin e Prizrenit, mbi bazën e dyshimit të arsyeshëm për veprën penale: “Prodhimi dhe shpërndarja e produkteve të dëmshme mjekësore”.
Gjatë kontrollit bëhet e ditur se janë gjetur dhe sekuestruar rreth 130 njësi barna pa banderola. Nuk raportohet për të arrestuar.