18.3 C
Prizren
E martë, 16 Shtator, 2025

Selmanaj kritikon Kurtin: Shkoi në ShBA por s’u takua me askënd – ja ku e solli Kosovën

Deputeti i LDK-së, Driton Selmanaj, ka kritikuar kryeministrin e vendit, Albin Kurti, duke thënë se ka shkuar në ShBA, por gjithçka është reduktuar në pjesëmarrjen në mbledhjen e Këshillit të Sigurimit.

Selmanaj tha se indikative është fakti që Kurti nuk e realizoi asnjë takim me institucionet e ShBA-ve, shtetit që sipas tij, ka meritat kryesore në lirinë, pavarësinë dhe konsolidimin e Kosovës.

“Po ashtu javën tjetër Sekretari amerikan i Shtetit Antony Blinken, vjen në vizitë zyrtare në Shqipëri , por jo edhe në Kosovë. Nga BE, që 228 ditë jemi nën sanksione. Nga ShBA, në vazhdimësi po marrim kritika për sjellje dhe veprime të njëanshme. Ja ku e solli Kosovën ky njeri”, shkroi Selmanaj.

Kryeministri i vendit, Albin Kurti, udhëtoi në Washington ku para dy ditëve ishte pjesëmarrës në mbledhjen e Këshillit të Sigurimit të OKB-së, e thirrur nga Serbia, pas rregullores së re të BQK-së, me anë të së cilës u ndalua përdorimi i dinarit në vend.

Në këtë mbledhje, Kosova u përfaqësua nga kryeministri Kurti, ndërsa Serbia nga presidenti i saj, Aleksandar Vuçiq.

“Eli –Edona”, mobilieria me oferta më të mira në Prizren

Më Shumë

Mbi 7 mijë ulëse te stadiumi i Prizrenit

Ekipi i Lirisë dhe klubet tjera prizrenase që luajnë në stadiumin “Përparim Thaçi” mund të shpresojnë për shumë më shumë publik dhe cilësi në...

Një jetë e shpëtuar, një falënderim i përjetshëm: Historia e Burim Ninajt dhe mjekut të UÇK-së, Dr. Halil Cikaj

Një fotografi e zverdhur nga koha, por e gjallë në kujtesën e atyre që e përjetuan, flet më shumë se mijëra fjalë. Në të,...

Lajmet e Fundit