Adnan Januzaj e ka mbyllur aventurën me Real Sociedad-in në Spanjë, derisa tani mbetet futbollist pa klub.
Sipas asaj që raportojnë mediat e huaja, klubi i Sevilla-s është në bisedime të avancuara me Januzajn për një transferim të mundshëm në dy ditët e ardhshme.
Futbollisti i Sevilla-s, Lucas Ocampos, me shumë mundësi do të transferohet te Ajax-i, andaj ata kërkojnë të kenë më shumë opsione në atë pozitë, duke transferuar pa para Januzajn.
27-vjeçari në orët e fundit ishte i lidhur edhe për një transferim të mundshëm në Serie B te Venezia, por tani gjërat mund të ndryshojnë pas interesimit të klubit spanjoll.
Mesfushori me origjinë nga Kosova së fundmi ishte pjesë e Sociedad-it për pesë sezone, derisa u transferua në vitin 1017 nga Manchester United-i për 8.5 milionë euro.
Ai në total ka zhvilluar 168 ndeshje në të gjitha garat me klubin bask, prej të cilave ka shënuar 23 gola.
/Albanianpost.com