Shtetet e Bashkuara të Amerikës kanë dërguar burime shtesë ushtarake për të mbrojtur forcat amerikane dhe të koalicionit gjatë tërheqjes nga Afganistani.
Aeroplana bombardues dhe luftarakë do të dërgohen për të mbrojtur trupat dhe kontraktorët civilë.
SHBA dhe NATO kanë qenë të pranishme në Afganistan për gati 20 vjet.
Presidenti i SHBA-ve, Joe Biden, e ka vendosur afatin e tërheqjes 11 shtatorin – 20 vjetorin e sulmeve të 11 shtatorit që nxiti luftën.
Por, tërheqja vjen në mes të përshkallëzimit të dhunës – me forcat afgane të sigurisë në gatishmëri të lartë për sulme të hakmarrjes.