Në sallën e mbledhjeve të Kuvendit të Prizrenit, të mërkurën u kremtua 25-vjetori i themelimit të komunës, ku morën pjesë përfaqësues të institucioneve, veteranë dhe ish-ushtarë të UÇK-së, familjarë të dëshmorëve, studentë dhe profesorë.
Ceremonia u hap nga kryesuesja e Kuvendit Komunal, Antigona Bytyçi, e cila falënderoi të gjithë ata që kanë kontribuar në ndërtimin e shtetit, veçanërisht gjatë periudhës së luftës. Ajo theksoi se organizime të tilla na motivojnë për të vazhduar punën në të mirën e vendit.
Ish-kryetari i Komunës së Prizrenit, Kadri Kryeziu, ndau përvojat dhe sfidat e tij si kryetari i parë i komunës pas luftës. Në fjalën e tij, ai vlerësoi përpjekjet për ndërtimin e institucioneve lokale dhe sfidat me të cilat përballeshin në atë kohë.
Ramë Buja, ish-ministër i Departamentit për Marrëdhënie Publike dhe Administrim Civil në Qeverinë e Përkohshme të Kosovës pas luftës, foli për entuziazmin me të cilin u ndërmorën hapat e parë për emërimin e kryetarëve të parë të komunave në vend.
Në përfundim të ceremonisë, Kadri Kryeziu ndau mirënjohje për individët që kontribuuan në ndërtimin e shtetit dhe forcimin e institucioneve lokale. Aktivitetet për shënimin e 25-vjetorit përfunduan me një koktej rasti për të gjithë të pranishmit./tv prizreni/
Marketing