Kryetari i Kuvendit të Kosovës, Kadri Veseli, ka treguar se ka kërkesë për shtyrje të seancës për ditën e nesërme.
Por, Visar Ymeri nga VV tha se nuk po jepen arsye për shtyrje të Seancës Konstituive të Kuvendit të Kosovës, ndërsa ka thënë se nuk janë pro shtyrjes.
Edhe Donika Kadaj Bujupi nga AAK tha se janë kundër shtyrjes së seancës.
Zafir Berisha nga Nisma për Kosovën gjithashtu ka thënë se kërkojnë arsye përse po kërkohet shtyrja e seancës.
Kërkesa për shtyrje të Seancës është vënë në votim, ndërsa, nga 101 deputetë në sallë, pro shtyrjes së saj kanë votuar 69, kundër 30 ndërsa abstenime nuk pati.