Të enjten në mbrëmje, në Teatrin Kombëtarë është mbajtur audicioni për shfaqjen “ Tregtari i Venedikut” të William Shakespare, njofton Klan Kosova.
Kësaj radhe audicioni ishte më ndryshe ngaqë regjinë e kësaj shfaqjeje do ta bëj regjisori nga Skocia, Matthew Lenton.
Regjisori në fjalë është shprehur shumë i kënaqur që puna e tij do të rishfaqet edhe një herë në Teatrin Kombëtar të Kosovës.
“Është shumë mirë të jesh prapë këtu pas 10 vjetësh, jam shumë i lumtur për këtë mundësi për ta luajtur shfaqjen këtu, nuk do ta kisha imagjinuar këtë para 10 vjetësh. Jam shumë i emocionuar që jam këtu”, ka deklaruar Lenton.
Në këtë audicion morën pjesë rreth 100 aktorë, ndërsa vetëm 19 prej tyre do ta kenë fatin të luajnë në shfaqje, premiera e së cilës jepet me 18 tetor të këtij viti.