19.8 C
Prizren
E diel, 16 Qershor, 2024

Skena kaotike dhe gaz lotsjellës në fushë në ndeshjen e Boca Juniors me Gimnasia, raportohet për viktima dhe shumë të lënduar

Trazira të mëdha shënuan ndeshjen e Superligës së Argjentinës mes Gimnasia La Plata dhe Boca Juniors, pas së cilës të paktën një person thuhet se u vra.

Pas skenave kaotike në Indonezi pesë ditë më parë, trazirat e reja të fansave kanë tronditur botën.

Këtë herë ndodhi në Argjentinë, ku mbrëmjen e së enjtes u anulua ndeshja mes Gimnasia dhe Boca e vlefshme për javën e 23-të.

Të paktën një person ka mbetur i vrarë pas një përplasjeje të ashpër mes tifozëve dhe policisë.

 

Trazirat e tifozëve kanë ndodhur para stadiumit sapo ka nisur ndeshja. Përleshja është përhapur në terren dhe më pas ka ndërhyrë policia.

Gjyqtari Herman Mastrangelo vendosi të ndërpresë ndeshjen në minutën e nëntë dhe policia u detyrua të përdorte gaz lotsjellës për të qetësuar trazirat.

Reklama

Fotot dhe videot e fansave që qanin shpejt bënë xhiron e botës.

 

Një zëdhënës i policisë ka thënë se oficerët thanë se ishte përdorur gaz lotsjellës për shkak të mungesës së sigurisë për të kontrolluar situatën. Një person ka mbetur i vrarë dhe disa janë plagosur rëndë.

Kaosi u krijua pasi tifozët e Gimnasia u përpoqën të futeshin me forcë në stadiumin e stërmbushur dhe këta tifozë ishin më në numër sesa u ishte lejuar.

 

 

Mediat argjentinase raportuan se policia qëlloi kameramanin e mediumit TyC Sports, Fernando Rivera, ndërsa ai po filmonte njerëzit duke hedhur gaz lotsjellës.

“Fatkeqësisht, të paktën një person ka vdekur”, tha ministri i Sigurisë së Buenos Aires, Sergio Berni.

Tifozja vdiq pas një problemi në zemër, e gjithë kjo pasi u hodh gaz lotsjellës në fushë. Tifozët në panik u përpoqën të gjenin një dalje nga stadiumi. /Telegrafi/

The match between Gimnasia and Boca Juniors could be scheduled for tomorrow morning.pic.twitter.com/lrkr0o2cJQ

— Argentine Football League (@ArgiesFootball) October 7, 2022

Më Shumë

25 vjetori i çlirimit, Tony Blair mban sot fjalim në Kuvendin e Kosovës

Ish-kryeministri i Britanisë së Madhe gjatë kohës së luftës në Kosovë, Tony Blair, sot do t’u drejtohet me një fjalim deputetëve të Kuvendit të...

146 vjet nga themelimi i Lidhjes Shqiptare të Prizrenit

Sot janë bërë 146 vjet nga themelimi i Lidhjes Shqiptare të Prizrenit. Lidhja e Prizrenit ishte një organizim politik i parisë së katër vilajeteve që...

Lajmet e Fundit