Komuna e Rahovecit ka njoftuar se sot do të varroset ish-kryetari Qazim Qeska.
Në faqen zyrtare në Facebook, komuna ka bërë të ditur se në orën 11:00 të dielën, pritet të mbahet një mbledhje komemorative.
Ndërsa, ceremonia e varrimit, pritet të bëhet në orën 14:00 në varrezat e qytetit.
“Me rastin e ndarjes nga jeta të ish-Kryetarit të Komunës së Rahovecit, z. Qazim Qeska, nën përkujdesjen e Kryetarit të Komunës, z. Smajl Latifi, organizohet mbledhje komemorative, më 25 shkurt 2024, në orën 11:00, në Sallën e Kuvendit Komunal, në nderim të jetës dhe veprës së tij. Ceremonia e varrimit do të bëhet në orën 14:00, në varrezat e qytetit.”, thuhet në njoftim.