Frontmeni legjendar i bendit “Nirvana”, Kurt Cobain, është nderuar në qytetin e tij të lindjes Aberdeen në shtetin e Washingtonit, me një statujë.
Zbulimi i statujës është bërë ditë më parë në atë që do të ishte e ditëlindja e 47-të nëse këngëtari do të ishte gjallë.
Statuja e shfaq rokerin të përlotur duke luajtur në kitarë. Ajo është vendosur në Muzeun Historik të Aberdeenit
Kurt Cobain bëri vetëvrasje në vitin 1994 në shtëpinë e tij në Seattle në moshë 27 vjeçare. Ai u bë i famshëm me grupin e tij “Nirvana” që kulmin e suksesit e arriti me albumin “Nevermind” (1991) dhe superhitin “Smells Like Teen Spirit”.
Më 10 prill të këtij viti, “Nirvana” që përbëhej edhe nga Krist Novoselic dhe Dave Grohl (aktualisht frontmen i grupit “Foo Fighters”), do të zë vend në “Rock & Roll Hall Of Fame” së bashku me “Kiss”, Peter Gabriel, “Hall and Oates”, Cat Stevens dhe Linda Rondstadt.