Grupi i Pavarur Studentor (GPS) ka paralajmëruar se në ditët në vijim do të mbajë një protestë gjithëstudentore, përmes të cilës do t’i shpreh pakënaqësitë e studentëve të Universitetit të Prishtinës “Hasan Prishtina”.
Përmes një ftese dërguar medieve, GPS-ja ka bërë të ditur se nesër nga ora 11 do të njoftojnë për skenarin e protestës.
“Ne si Grup i Pavarur Studentor, duke parë se kërkesat tona nuk po trajtohen nga organet kompetente dhe injorimi që po na bëhet vazhdimisht, neve na mbetet që forma e vetme për të shprehur pakënaqësitë tona janë protestat gjithëstudentore. Ne si GPS ju ftojmë që nesër në ora 11:00 përballë Bibliotekës Kombëtare të jeni të pranishme në mënyrë që të iu njoftojmë për skenarin e protestës”, thuhet në ftesën e këtij grupi.