Një mjet i pashpërthyer është gjetur në fshatin Dobërdolan të Suharekës. Policia e Kosovës ka njoftuar se ka pranuar një informatë nga një person i cili derisa po punonte në oborrin e shtëpisë ka hasur në një mjet të pashpërthyer.
“Ankuesi ka raportuar se në oborrin e shtëpisë derisa ka qenë duke punuar ka gjetur një mjet të dyshuar shpërthyes”, thuhet në njoftimin e PK-së, raporton PrizrenPress.
Policia ka siguruar vendin e ngjarjes, ndërsa njësiti për deminim ka dalë në vendin e ngjarjes dhe ka tërhequr mjetin e dyshuar-predhë e mortajës 120 mm, prodhim jugosllav, në mënyrë të sigurt. /PrizrenPress.com/