Zëvendëskryeministri Hashim Thaçi ka thënë se Isa Mustafa si Kryeministër e ka përgjegjësinë për shkarkimin e Aleksandër Jabllanoviqit dhe se ai e mbështet do vendim të kryeministrit.
Thaçi ka thënë se Kryeministri e ka mbështetjen e tij në veprimet ligjore dhe kushtetuese.
“Natyrisht përgjegjësitë e kryeministrit janë të përcaktuara qartë dhe është në autoritetin e tij kjo çështje. Kryeministri e ka mbështetjen time në çdo vendimmarrje të mëtutjeshme”, ka thënë Thaçi, pas homazheve te heroi kombëtar, Zahir Pajaziti.
“E ritheksoj edhe nga ky moment jashtëzakonisht i veçantë për gjithë kombin shqiptar se institucionet do të marrin vendimet më të drejta të mundshme në kuadër të respektimit të plotë të Kushtetutës dhe ligjeve”, ka thënë ai.