Deputeti i Lëvizjes Vetëvendosje! Arbër Rexhaj është tmerruar kur ka kuptuar sot se janë evidentuar mbi 2 mijë nxënës më pak në Prizren.
“E tmerrshme ajo çfarë kuptova sot. Mbi 2 mijë nxënës më pak janë evidentuar gjatë kontrrollit sistematik që e organizon Drejtoria e Shëndetësisë në Prizren. Pra, kur kjo ikje nga Kosova ndodh tek fëmijët nënkupton se janë larguar familje të tëra”, shkruan Rexhaj në “Facebook”.
“Prizreni është komuna e dytë më e madhe në Kosovë, shumëzojeni me komunat tjera, pa llogaritur ikjet individuale kjo shifër nënkupton rrezik në rrafshin shtetëror dhe kombëtar”.
“Dhe fajtor për këtë janë qeverisjet e korruptuara dhe kriminale, Kosova po shprazet sepse asnjëra prej tyre nuk e ka pasur si synim zhvillimin ekonomik dhe hapjen e vendeve të reja të punës”.
“Prandaj është momenti i duhur që ta bëjmë kthesën politike, përndryshe ky vend do të mbetet vetëm i atyre që e zhvatën dhe po e zhvatin sistematikisht Kosovën”./PrizrenPress.com/