Zhurma dhe mosmarrëveshja për një rrugë, ka ardhë deri tek përleshja e katër personave. Sot rreth orës 10, në rrugën “Mentor Krasniqi” Lagja e Nën Kalasë, në Prizren tre vëllezër me mbiemër Kabashi kanë sulmuar fqinjin e tyre.
Siç njofton Policia rajonale në Prizren, nga ky incident ishin dëgjuar edhe shkrepje me armë, por që nuk ka të plagosur.
Ai që kishte shkrepur me armë, policia thotë se ka qenë vëllai i viktimës, që mbajnë mbiemrin Gashi.
“Thuhet se gjatë sulmit ishte krijuar një potere të cilën e kishte dëgjuar vëllai i viktimës me mbiemër Gashi i cili pasi ka parë ngjarjen është kthyer në shtëpi dhe ka marrë një pistoletë të llojit “Ekol Special 99” me të cilën ka shkrehur disa herë. Ende nuk dihet saktësisht se në ç’drejtim ka shtënë i dyshuari, ndërsa sipas informatave që i posedon policia, nuk ka të plagosur me armë zjarri”, thuhet në njoftimin e Policisë.
E gjatë kontrollit, Policia njofton se ka sekuestruar armën dhe ka gjetur tri gëzhoja, e po ashtu është sekuestruar sekuestruar edhe një pushkë gjuetie me leje të skaduar dhe 32 fishekë të gjuetisë.
E k atër të dyshuarit të përfshirë në këtë incident, janë dërguar në mbajtje.
