Një vajzë tre vjeçe ka ndërruar jetë pas lëndimeve që ka marrë nga shembja e shtëpisë në Qendrën Historike në Prizren.
Zëdhënësi i Policisë së Kosovës në Prizreni, Vesel Gashi tha se vajza tre vjeçare ishte dërguar e vdekur në Spitalin e Prizrenit.
“Prindërit e kanë dërguar në emergjencë, mirëpo mjekët e kanë konstatuar vdekjen e saj”, tha Veseli./PrizrenPress.com/
Një fëmijë e grua lëndohen rëndë pas shembjes së një shtëpie të vjetër në Prizren
Një fëmijë dhe një grua janë dërguar në spital si pasojë e lëndimeve që kanë marrë pasi një shtëpi në Prizren është shembur.
Shtëpia ndodhet në zonën historike të qytetit ndërsa autoritetet në Prizren kanë qene të njoftuara edhe më herët se shtëpia paraqet rrezik për qytetarët për shkak të vjetërsisë së saj.
Një qytetar ka dërguar tek Insajderi foto nga vendi i ngjarjes dhe ka njoftuar për rastin.